Denne kvelden får vi møte tre spennande aktørar:

Frå Kristiansund, ut i verda og tilbake med kameraet!

Jonas tek oss med på reisa si som fotograf, frå utdanning og fotojournalistikk til eigne langsiktige prosjekt. Hovudfokuset er den nye fotoboka I medvind uansett vær, som utforskar oppveksten i Kristiansund og det å vende tilbake til heimbyen etter fleire år borte.

Korleis er det å vere kreativ frå Nordmøre? Kva moglegheiter finst her, og kva skal til for at fleire kreative vel å flytte heim og bli verande?

Christine står bak Creative House, eit kreativt arbeidsfellesskap midt i Kristiansund, der gründerar, kreative fagfolk og bedrifter kan møtast, dele kompetanse og utvikle nye idéar saman. Med ambisjonar om å tiltrekkje digitale nomadar, byggje internasjonale nettverk og skape samarbeid på tvers av landegrenser, ønskjer Creative House å gjere Nordmøre til ein attraktiv møteplass for kreativ næring – både lokalt og internasjonalt.

Kva skjer når vi samlar folk på tvers av kreative fagfelt?

Hans-Petter står bak Creative Talks, ein arena for inspirasjon, kunnskapsdeling og samtalar. Han deler tankar om kvifor fysiske møteplassar er viktige, og korleis nysgjerrigheit, fellesskap og nye relasjonar kan bidra til å styrkje det kreative næringslivet på Nordmøre.

Saman gir Christine og Hans-Petter oss eit innblikk i korleis ulike initiativ kan vere med på å byggje eit sterkare og meir samlande kreativt miljø i regionen.

Frå inspirasjon til nye relasjonar!

Etter historieforteljing og fagleg påfyll går vi over i nettverksmodus! Gjennom ein uhøgtideleg spørsmålsrunde blir de utfordra til å bli betre kjende med kvarandre, dele erfaringar og utforske nye moglegheiter.

Kven veit? Kanskje finn du ein framtidig samarbeidspartnar, får ein ny idé eller møter nokon med akkurat den kompetansen du treng?

Vi rundar av med mingling, snacks og drikke.

Vel møtt til ein kveld med inspirasjon, kunnskapsdeling, nye relasjonar og gode samtalar!

Arrangementet er gratis, men krev påmelding: https://forms.gle/f1YiCaMCSLK4vvci9

────────

Arrangør: Sunnmøre Kulturnæringshage i samarbeid med Vindel, Protomore og Nordveggen.

Med støtte frå Møre og Romsdal fylkeskommune.